გაკვეთილის მთავარი თემა	ბერლინის კედელი ZUR GESCHICHTE DER BERLINER MAUER
სწავლების საფეხური/კლასი	XII კლასი/მე-3 საფეხური
საგანი/პედაგოგი	გერმანული ენა
მოსწავლეთა პროფილი	6 მოსწავლე
გაკვეთილის აქტუალობა	პრობლემის სწორად აღქმა ხელს შეუწყობს მოსწავლეებში ქვეყნის ინტერესების, ტრადიციებისა და ღირებულებების მიმართ საკუთარი პასუხისმგებლობის გააზრებას.  თემა ძალიან მნიშვნელოვანია ჩვენი ქვეყნისთვისაც, ვინაიდან ეხება ისეთ სახელმწიფოებრივად სასიცოცხლო პრიორიტეტებს, როგორიცაა ტერიტორიული მთლიანობა და ეროვნული სუვერენიტეტი
გაკვეთილის მიზანი	უცხ.XII.7. მოსწავლე გაბმულად ლაპარაკობს. შედეგი თვალსაჩინოა თუ: მოსწავლე ყვება თავს გადამხდარ, გაგონილ, ნანახ, წაკითხულ ამბავს. საკამათო საკითხებთან დაკავშირებით გამოხატავს და განმარტავს თავის პოზიციას, გასამყარებლად მოჰყავს მაგალითი. გადმოსცემს დიალოგის, ინტერვიუს შინაარსს. უცხ. XII. 11 მოსწავლე იგებს ფაქტობრივი მასალის შემცველ შემეცნებით ტექსტს სხვადასხვა თემაზე (ისტორიის, კულტურის, ბუნებისმეტყველების სფეროებიდან). შედეგი თვალსაჩინოა,როდესაც მოსწავლე: ამოიცნობს მთავარ თემას/საკითხებს. ამოიცნობს ფაქტობრივ ინფორმაციას. უცხ.xII.1.მოსწავლე იგებს დიალოგს,ინტერვიუს,რეპორტაჟს. შედეგი თვალსაჩინოა,თუ მოსწავლე ამოიცნობს საკომუნიკაციო სიტუაციას, საკითხებს).  ამოკრებს ფაქტობრივ ინფორმაციას.  ამოიცნობს თანამოსაუბრეთა დამოკიდებულებას, განწყობილებას, შეფასებას ამა თუ იმ საკითხთან დაკავშირებით. განასხვავებს მეტყველების ფამილარულ და თავაზიან ფორმებს.
წინარე ცოდნა	მოსწავლეებმა იციან, თუ რატომ იყო გერმანია დაყოფილი საოკუპაციო ზონებად.
შეფასების საგანი და კრიტერიუმები	მოსწავლეებს ვაფასებ წინასწარ შედგენილი განმსაზღვრელი შეფასების სქემის მიხედვით. შეფასების კრიტერიუმებია: ლექსიკური მარაგი და პიროვნული დამოკიდებულების დაფიქსირება და მოსაზრების დასაბუთება.
გამოყენებული სასწავლო და ტექნიკური რესურსი	სახელმძღვანელო, XIIკლასი, მერკვილაძე, ხუციშვილი. დაფა, ცარცი, საწერკალამი.  ინტერნეტი: www.google.ge , www.youtube.com , კომპიუტერი, პროექტორი.
გაკვეთილის მსვლელობა	მისალმება, საორგანიზაციო საკითხების მოგვარება _ 3 წთ. წინა გაკვეთილზე ახსნილი მასალის გამოკითხვა (კითხვა-პასუხის მეშვეობით)_5 წთ. მოტივაციის შექმნა - მოსწავლეებს წინასწარ ვაცნობ შეფასების სქემას და ვპირდები, რომ აქტიური მოსწავლეები მიიღებენ მაღალ ქულებს - 3 წთ საფეხური A-გამოწვევა. აქტივობა 1 _ ფილმის ჩვენება-5 წთ. მოსწავლეებს ვაჩვენებ ფილმს გერმანიის ისტორიიდან, რეპორტაჟი აღნიშნულ ფაქტთან დაკავშირებით. აქტივობა 2 _ კითხვა-პასუხი: -3 წთ wie habt ihr diesen Film gefallen? worum handelt es sich um diesen Film? welches Bauwerk ist auf dem Foto dargestellt? მსგავსი შეკითხვები ხელს შეუწყობს წინარე ცოდნის გააქტიურებასაც. საფეხური B-შინაარსის რეალიზება . აქტივობა 3 _ ელექტრონული პრეზენტაციის ჩვენება _ 3 წთ. აქტივობა 4  _ ჯგუფური მუშაობა _ 10 წთ ცოდნის კონსტრუირებას მოსწავლეები იწყებენ სახელმძღვანელოში არსებული მასალის გაცნობით. ახალი ტექსტის დასამუშავებლად მოსწავლეები იმუშავებენ მცირე ჯგუფებში ლექსიკონის დახმარებით. სასურველია შერეული დონის ჯგუფების შექმნა, სადაც უფრო ძლიერები დახმარებას გაუწევენ სუსტებს. მოსწავლეთა ჯგუფებად დაყოფა და ინსტრუქციების მიცემა. სამუშაოს დასრულების შემდეგ მოსწავლეებს ვეკითხები ტექსტში არსებული ფაქტობრივი ინფორმაციის შესახებ. აქტივობა 5  _ მინი დისკუსია _ 7 წთ. შემდეგ უკვე ვთხოვ გამოკვეთონ ამ თემისადმი პიროვნული დამოკიდებულება (მაგ: რატომ არ შეიძლება იყოს ერი გახლეჩილი ორად?), დაასაბუთონ საკუთარი მოსაზრება, დააკავშირონ საკითხი ჩვენი ქვეყნის რეალობასთან. საფეხური C-რეფლექსია-გამთლიანება. აქტივობა 6  _ ვიცი-მინდა ვიცოდე-ვისწავლე  _ 5 წთ მოსწავლეებს ვთხოვ შეაჯამონ ძირითადი იდეები-რა ისწავლეს ამ გაკვეთილიდან, რამდენად აქტუალურია მათთვის ეს თემა, შეაფასონ სასწავლო პროცესში საკუთარი მონაწილეობა. კიდევ რისი ცოდნის სურვილი აქვთ. აქტივობა 7  _ საშინაო დავალების მიცემა _ 2 წთ. შეფასება _ 1 წთ.